გადატვირთული ყვითელი ავტობუსები, კონფლიქტი მგზავრებსა და კონტროლიორებს შორის, უბილეთო მგზავრები და ჯარიმები. თუ თქვენ საზოგადოებრივი ტრანსპორტით სარგებლობთ, ეს სურათი თქვენთვის უცხო არ იქნება. ხშირად ავტობუსში ასვლას დიდი ძალისხმევა სჭირდება. დაჯდომაზე საუბარი ზედმეტია, ზოგჯერ ფეხზე დგომის საშუალებაც არ არის. ასეთ "გაჭედილ" სიტუაციაში ბილეთის ასაღებად აპარატთან მისვლა რთულია, მაგრამ თუ მგზავრს ბილეთის აღებისგან თავის არიდება სურს, თავს არც სიხალვათეში იწუხებს.